للاشتراك فى خدمة عروض
ارسل كلمة "اشترك" عبر واتس اب للرقم 0582152292

المطبخ

‏⁧‫

عزيزي_المستهلك‬⁩
‏إحذر عند تفصيل “مطبخ” أن يخدعك المحل ويحسب الزاوية “مرتين “عند أخذ القياسات.

(null)

(null)

‫47 تعليقات

  1. من دون خداع هو يشترط عليك بان يقيس الزاوية مرتين وكلهم كدة متفقين وحتى المجالس نفس الشي يحسب الزاوية مرتين

  2. ليته مطبخ واحد لكن اربعة مطابخ بثمانية زوايا، اكل على كيف كيفك ايضاً المواطن شريك لانه مايشتكي اذا عرف المشكلة في كل الأمور ( تعود انه يستزغب ويسكت)

  3. وازيدكم من الشعر بيت محلات المفروشات يحسبونها بالمتر فى الغرف مثلا الغرفه 5فى5 وسعر المتر 200 ريال يعني المجموع 1000ريال نقول ممتاز الحسبه صح
    لكن المشكله تأتي فى المداخل فإنهم يحسبونها بالمتر الطولي مثلا لو كان المدخل طوله 8 متر وعرضه 2متر يجيبون قطعتين القطعه الأولى يكون مقاسها 2 متر والعرض 4 متر ويحسبونها بالمتر الطولي على أي أساس يحسبونها بالمتر الطولي وهم مركبينها على قطعتين المعروف المتر الطولي تأتي قطعه واحده يعني 2 متر فى 8 أمتار ولكنهم يغشون وحصلت معي وبعد التركيب حسبتها لهم المدخل كله سعره 800 ريال وهم حسبوها ب1600ريال يعني حسبتهم بالمتر الطولي وليسى بالعرض حينما سألته لماذا لم تأتيني بقطعه واحده وركبت الفرش فى المدخل قطعتين فقال إحنا كذا شغلنا قلت تعال أجلس واتربع ونحسبها حسبة بدو القطعه الأولى 2 متر فى 4امتار هذي حسابها 400 والقطعه الثانيه نفس الأولى حسابك 800 ريال جلس يحك راسه ورفض هذا بعد ماركب الفرش وغراه بالغراء قلت بيني وبينك وزارة التجاره قال بص يعمنا انتا غلبتني قلت لاوالله ماغلبتك لكن انتا النصاب اللي تضحك على العالم تحسب لهم لهم القطعه بالطول وعند التركيب تجيب القطعه بالعرض

  4. انا صارت لي في تفصيل كنب وحجيت العامل وخصمها لا وازيدكم بالشعر بيت سوا لي المراكي مجانا عشان لا ابلغ عليه بعقوده السابقه .. يا اخوان فيه غراميه فوريه مجرد الاتصال علي وزارة التجاره وابلاغهم بذالك .والمحل اللي يرفض قوله اوكيه اعمل اللي تبي واخذ الفاتوره وبلغ عنه فورا . من واقع تجربه

  5. ياخوي …يرفضوووووون
    اويدبلون السعر بحجة هذا
    مكسبنا
    المطابخ والمجالس العربيه
    البعض اذا شاف المجلس مافيه زوايا
    يروح ويخليك

  6. جاني العامل يفصل.. جلست افهمه ان يحسب الزاوية مرة وحدة
    زعل وقال كلهم كذا وقال تبغى ولا لأ؟
    قلت لأ

  7. والله يااخوان هذه مشكلة أولا كل محلات المطابخ مسيطرين عليها الجالية البرماوية والأسعار غير محددة وغير ملتزمة بنظام تشغيل السعويين والسؤال اللي يطرح نفسه؛ اين دور وزارة العمل ولجان التفتيش واين وزارة التجارة من الاسعار والخامات الموجودة لديهم

    وشكرا لمن طرح هذا الموضوع

  8. انا اﻷيام هذي لفيت معظم محلات عمل مطابخ اﻷلمنيوم في أﻷحساء كلهم متفقين انهم يحسبون الزاوية مرتين.
    واﻷدها من ذالك ان بعض المحلات يعطيك السعر للمتر الطول وعندما يحسب تجده يحسب الخزائن السفلية على حدا والعلوية على حد لتجد السعر صار الضعف اي لو كانت القيمة الكلية 10000 تحسب 20000

  9. ولاكن انصح اي شخص يريد.تفصيل مطبخ انه مايتفق مع اي مؤسسة لعمل مطبخ اﻷلمنيوم قبل مايروح كذا محل ويخليهم ياخذون المقاس ويعطون السعر الكلي مع تفاصيل المطبخ ونوعية اﻷلمنيم المستخدم . وهل اﻷبواب بتكون الداخل والخارج المنيوم
    و يجب ان لا نثق ثقة عمياء

  10. وزراة التجارة ممكن يفصل مجاناً انا صارت معي وكلمة الوزراة وقال هذا ليس بتخصصنا طبعاً بعد التفصيل وكان الشرط ادفع باقي المبلغ قبل التركيب وفي الاخير سكرت على السياره عند البيت واعطيته خيارين يا يخصم الزوايا الاثنتين الي حسبها وفي نفس الوقت يحسب مكان الفرن . وخياري كان يا يرجع العربون ويشيل مطبخه يا يخصم مبلغ ١٣٥٠ الي هو سارقه مني . فارجوا الانتباه ومن الاحسن ان يكون الاتفاق من اول وليس بعد وشكراً

  11. المشكلة مو في الزواية فقط ولكن إذا تفصل دولاب مطبخ فوق وتحت يحسبة بسعر أقل أما إذا كنت تبغى تفصل فقط تحت يحسبه لك بسعر فوق وتحت شوف النصب .. لا ومتفقين على كلهم على كذا …

  12. المشكله
    ان الشعب للان مغفل
    ويستحي
    وجاهل
    وغير حضاري
    كيف ماتبيهم يسرقونكم
    مادام الاجنبي موجود عندك راح يسرق ويخدع ويتلاعب
    كل الدول تعتمد علا ابنائها
    فقط الخليج المسروق يعتمد علا الاجانب

    1. حتى انا بلغت عن زيادة الأسعار في منتج ولا ردوا عليه بالعربي ولا كني بلغت تجاهلهوا البلاغ من فترة طويله

  13. ملاحظه..هل تتوقع ان المسؤلين عن هذا الشي لايعلمون..انهم يذهبون ويفصلون عند محلات الكنب والفرش والمطابخ ويسون لهم زويتين واذا حجه في وظيفته بانه مسؤل في التجاره وهذا ممنوع وخل الحسبه الصحيحه لنفسه وظلم الموطنين..فالله رقيبه

  14. أقسم بالله أكبر غبنه صارت معايا في تأثيث شقتي
    المطبخ
    قياسات ظالمة
    وأخذ حسابه قبل التركيب
    وتأخر الرخام أكثر من أسبوع
    وشغل تعبان مو نفس المطابخ المعروضه عندهم
    والقطع والمفصلات من أرخص الأنواع

  15. كل المحلات تقيسها مرتين وهذا غش تجاري
    وكنت متفطن له عند تأثيث بيتي حسبوا علي المطبخ والكنب مرتين عند الزاويه وأعترضت لهم وشرحت قالوا كل المحلات تسوي كذا … وفعلا رحت لعشرين محل كلهن يسون كذا

  16. يااخوان في غير ذلك الفصاليات حقت البيبان وخامة ونوعية الالمنيوم والخشب كثيرة، لازم تشترط عليه تكون اصلي ياباني

  17. انا صارت معي وكلمت وزارة التجارة قال الكلام هذا غير صحيح ولافي اي بند في أنظمة الوزارة بهذا الخصوص والموضوع يرجع للإفاق بينك وبين صاحب المحل وعرف السوق فأرجو عدم نشر كلام غير صحيح لافائدة منه الا استفزاز الناس او قدمو لنا شيء يثبت كلامكم

  18. معاهم حق يضحكون علينا دام اننا نتكبر على الشغل والوظايف، تلاقي معلم تفصيل مجالس سعودي؟ تلاقي حداد سعودي؟ تلاقي نجار سعودي؟ طباخ، بليط، مليس، معلم بناء.
    تلاقينا نبغى مدير وما نستمر في الشغل، علشان كذا الاجنبي هو اللي مستلم كل شي، مادري وش نسوي اذا راحوا الاجانب من عندنا والله نظيع اذا ما صحينا، والله يا اخوان اني اغلب الاجاني اللي اعرفهم هم اصحاب المحلات اللي يشتغلون فيها وعندهم فلل في بلادهم من ورا شغلهم اللي حنا نتكبر عليه.

  19. السلام عليكم ورحمة الله وبركاته اما بعد
    نبداء بالمجالس ونقول ان المصانع التى تنتج الإسفنج تحسب الزاوية للمحلات مترين مربع اذا ليس غلط من يحسب الزاوية مترين لان بالأصل اذا قلنا نحسب الزاوية متر وننقص الفرق من الجانب الاخر مثال لو كان عرض المجلس ٧٠ سم فان الزيادة المفترضة هي ٧٠ سم وليس متر يكون وتبقي ٣٠ سم تحسب من ضمن الامتار ولكن سوف لا تكون هناك زاوية اولا ثانيا سوف لا يكون هناك ظهر مسند اي لا بد ان تضيف مسند يغطي فرق العرض العاري اي الذي بدون ظهر ثم ان المنظر العام للمجلس يكون انه مجلس غير مصمم للمكان ثم لا ينبغي لي اي شخص ان يفتي من غير علم وربما الرجل الذي هدد بوزارة التجارة ان العامل خاف اولا ثم انه غير ملم بعملة ولو كان ملم بعملة لأجاب وليس سكت وقال غلبتني . وانا اقترح لي اي شخص يذهب لوزارة التجارة يستفسر سوف يجد كلامي صحيح وانا يا اخوان صاب محلات ديكور ولي ٢٧ عام بالمحل واعلم ان المكتمل يكون بزوايا ويكون شكلك جميل والذي بدون زوايا يكون شكله ناقص وبدون منظر وهذه أمور فنية والتعلم فيها جيد للمجادل ولكن يكون ذو علم ويقبل النقاش وليس يجادل بدون علم وبذلك يسبب مشاكل بدون فايدة والسلام عليكم

  20. تفصيل المطبخ يجيب المرض ماعمري شفت واحد كويس في بداية الاتفاق زي العسل وبيحطك في عيونة وفالنهاية شغلة تعبان ماعمري شفت احد يمدح كل الناس تذم فيهم اتوقع لانهم بشر ماهم مكايين يفصل لك مطبخ زي الي تشوفها فالمسلسلات وغير كذا انا اتلطعت شهر في مطبخي ووكلت رحيمي خصم ٥٠٠ ريال ولو انا كملت كان اعطيته المبلغ كامل واقول على الله هو وذمته

  21. السلام عليكم
    نفس الغش والنصب يتعرض له المواطن حتى وان كان العامل من نفس بلدك.
    بالنسبه للمجالس صاحب المحل يشتري من المصنع بحساب المتر المكعب وليس بالمتر الطولي.
    نفرض الزاويه 70سم
    0.7×0.7×0.4 اذا كان الارتفاع 40سم تساوي خمس المتر
    0.196 نقربها 0.2
    واذا كان عندك 3 زوايا × 0.2= 0.6 متر مكعب
    اضربها بسعر المتر المكعب للاسفنج عالي الكثافه.

    واضف اليها طول الجلسه لو فرضنا الطول 12 متر بارتفاع 0.4 بعرض0.7 تساوي 3.36متر مكعب اضف لها حجم الزوايا
    يصير 3.36+0.6= 3.96 متر مكعب
    ثم الظهر بنفس الطريقه و لان عرضه من 9 الى 10 سم فيتم حسابته بالمتر الطولي.
    ثم نضرب بالارتفاع في الطول في العرض والناتج بالمتر المكعب. . ولكونه اسفنج سوبر فهو رخيص الثمن مقارنتا بالجلسه الضغط.
    تبقى ثمن الدكيات تقريبا ب 200 ريال سعودي لعدد 15 دكيه.
    يبقى القماش والاكسسوارات والستائر. .
    ناهيك عن الغش والكذب بجوده المنتج وبلد المنشا. يغالطون بحساب عدد الامتار لكل متر من الاسفنج.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق